پی ٹی آئی کے سابق سیکرٹری جنرل جہانگیر خان ترین نے منگل کو کہا
کہ انہوں نے وزیر اعظم عمران خان کی ہدایات پر پنجاب میں کم نشستوں کے باوجود
پنجاب میں اپنی پارٹی کی حکومت بنانے کے لیے سخت محنت کی۔
جہانگیر ترین نے یہ ریمارکس لودھراں میں ایک کارنر میٹنگ کے دوران دیئے
انہوں نے گلہ کرتے ہوئے کہا کہ انھوں نے پی ٹی کی پنجاب میں حکومت بنانے کے لیے
سب سے بڑے صوبے میں اس وقت کوشش کی جب ان کی جماعت کے پاس مطلوبہ تعداد نہیں تھی۔
جہانگیر ترین نے حکومت کو مفت مشورہ بھی دے ڈالا کہ حکومت احتساب کی ضد چھوڑے
ہر چیز کو ایک طرف رکھے اور مہنگائی کم کرنے پر توجہ دے
چینی کی ایک انکوائری کمیشن نے اشیاء کی “مصنوعی” قیمتوں میں اضافے
اور ملرز کو دی جانے والی سبسڈی کے فائدہ اٹھانے والوں میں
شامل کرنے کے بعد جہانگیر ترین کو الزامات کا سامنا ہے۔
ترین نے کہا کہ عمران خان نے انہیں پیغام دیا تھا کہ اگر پی ٹی آئی پنجاب میں اپنی حکومت بنانے میں ناکام رہی
تو وفاق میں حکومت کسی کام کی نہیں ہوگی
پی ٹی آئی رہنما نے کہا کہ وہ نہ تو سیاست چھوڑیں گے اور نہ ہی پارٹی سے علیحدگی اختیار کریں گے،
اگرچہ بہت سے لوگ مجھ میں اور عمران خان میں فاصلے بڑھانے کی سرتوڑ کوشش میں مصروف ہیں
انہوں نے کہا کہ میں نے پی ٹی آئی میں آٹھ سال تک دن رات محنت کی
کیونکہ عمران خان دوسرے سیاستدانوں سے مختلف تھے۔
الیکشن سے چھ ماہ پہلے ، میں ایک غلط اور نانصافی پر مبنی فیصلے سے نااہل ہوا
، پھر بھی میں نے عمران خان کو نہیں چھوڑا۔ میرے بیٹے اور میں نے فیصلہ کیا کہ ہم نہ تو سیاست چھوڑیں گے
اور نہ ہی تحریک انصاف سے علیحدگی اختیار کریں گے۔
ترین نے کہا کہ ایک سازش کی وجہ سے ان کے اور وزیر اعظم کے درمیان دراڑ پیدا ہوئی۔
تاہم ، انہوں نے مزید کہا کہ وہ اس سے زیادہ پریشان نہیں ہیں آئندہ آنے والے دنوں کے بارے میں بھی وہ پرامید نظر آئے ۔
اس سے قبل انہوں نے اپنی پارٹی کی حکومت سے کہا تھا کہ وہ سب کچھ بھول جائے
اور بڑھتی ہوئی مہنگائی پر قابو پانے کے لیے اقدامات کرے۔ انہوں نے کہا تھا کہ افراط زر پر قابو پانے
کا موثر طریقہ یہ ہے کہ مانگ اور رسد کا نظریہ لاگو کیا جائے۔
ترین نے کہا کہ اگر حکومت نے درآمدات کو کنٹرول کیا ہوتا
تو چینی ، گندم اور دیگر اشیاء کی قیمتوں میں اضافہ کبھی نہ ہوتا۔