مسلم لیگ (ن) کی رہنما مریم نواز کے بیٹے جنید صفدر کے ولیمہ (شادی کی استقبالیہ) کا دعوتی کارڈ آن لائن لیک ہونے کے بعد وائرل ہوگیا ہے۔
ایک مقامی اشاعت نے سوشل میڈیا پر دعوتی کارڈ شیئر کرتے ہوئے دعویٰ کیا کہ یہ مسلم لیگ ن کے رہنما کے بیٹے جنید صفدر کا ولیمہ کارڈ ہے۔
کارڈ پر جنید صفدر اور ان کی اہلیہ کی لاہور میں ہونے والی تقریب کی تاریخ 17 دسمبر درج ہے۔
اس سے بھی یہ خبر عام تھی کہ مریم نواز اور کیپٹن صفدر کے صاحبزادے جنید صفدر 17 دسمبر کو اپنا ولیمہ لاہور میں منائیں گے۔
بدھ کو اسلام آباد کی احتساب عدالت میں مریم نواز کے کیس کی سماعت کے دوران بات کرتے ہوئے ان کے وکیل اعظم نذیر تارڑ نے تصدیق کی کہ تقریب کی تاریخ 17 دسمبر ہے۔ اس لیے انہوں نے جج سے درخواست کی کہ وہ اگلی سماعت 17 کی بجائے کچھ اور رکھ دیں ۔
خیال رہے کہ جنید صفدر نے نواز شریف کے دیرینہ ساتھی سیف الرحمان کی صاحبزادی عائشہ سیف سے 22 اگست کو لندن میں شادی کی تھی جس کے بعد ان کے نکاح کی تصاویر اور ویڈیوز سوشل میڈیا پر وائرل ہوگئی تھیں۔
تقریب میں لندن میں مقیم سابق وزیراعظم نواز شریف نے بھی شرکت کی۔
دوسری جانب مریم نواز اور ان کے شوہر شادی کی تقریب میں شریک نہیں ہو سکے کیونکہ ان کا نام ایگزٹ کنٹرول لسٹ (ای سی ایل) میں ڈال دیا گیا ہے، جس کے تحت ان کے خلاف عدالتی مقدمات ختم ہونے سے قبل انہیں ملک چھوڑنے سے روک دیا گیا ہے۔