جنگ گروپ کے مالک میر شکیل الرحمان 30 سال پرانے مقدمے میں بری

لاہور کی ایک احتساب عدالت نے پیر کو جنگ جیو میڈیا گروپ کے ایڈیٹر انچیف میر شکیل الرحمٰن کو 30 سال قبل ہونے والے جائیداد کے لین دین سے متعلق کیس میں بری کردیا۔

احتساب عدالت کی جانب سے سنائے گئے فیصلے کے مطابق ملزمان پر کوئی الزام ثابت نہیں ہوا اس لیے تمام ملزمان کو بے گناہ قرار دے دیا۔

عدالت نے میر شکیل الرحمٰن کی تمام ضبط شدہ جائیدادیں واگزار کرانے کا حکم جاری کردیا۔

انہوں نے عدالت سے استدعا کی کہ ان کے موکل کو بری کیا جائے کیونکہ ان کے خلاف پیش کیے گئے شواہد میں کچھ نہیں ہے۔

نومبر 2020 میں سپریم کورٹ نے میر شکیل الرحمٰن کی ضمانت منظور کی تھی، جو آٹھ ماہ تک قومی احتساب بیورو (نیب) کی حراست میں رہے۔