پاکستان ٹی وی انڈسٹری کی معروف اداکارہ ثنا جاوید جنھوں نے کچھ روز قبل ایک معروف کرکٹر شعیب ملک سے شادی کی تھی -پی ایس ایل میچ میں ثنا جاوید اپنے شوہر شعیب ملک کو سپورٹ کرنے ملتان کرکٹ اسٹیڈیم پہنچ گئیں۔پاکستان سُپر لیگ سیزن 9 میں پاکستان ٹیم کے سابق کپتان شعیب ملک کراچی کنگز کی طرف سے کھیل رہے ہیں۔اتوار کو ملتان کرکٹ سٹیڈیم میں ملتان سلطانز کیخلاف میچ میں اپنے شوہر شعیب ملک کو سپورٹ کرنے کیلئے انکی اہلیہ ثنا جاوید بھی سٹیڈیم میں نظر آئیں۔ثنا جاوید کی موجودگی میں شعیب ملک نے بھی شاندار کھیل کا مظاہرہ پیش کیا انھوں نے 35 گیندوں پر 53 رنز کی اننگز کھیلی۔
شعیب ملک نے بیٹنگ کے دوران 2 چھکے اور 5 چوکے بھی لگائے۔قومی کرکٹر شعیب ملک اور اُن کی اہلیہ اداکارہ ثنا جاوید شادی کے بعد پہلی بار گزشتہ روز ایک ساتھ منظرِ عام پر نظر آئے تھے جس کی ویڈیو سوشل میڈیا پر وائرل ہوئی تھی۔ جس میں شعیب ملک کو ثنا جاوید کے ہمراہ ملتان ایئرپورٹ سے باہر نکلتے ہوئے دیکھا گیا تھا۔اس موقع پر شعیب ملک اور ثنا جاوید نے کسی سے گفتگو نہیں کی تاہم ایئرپورٹ پر موجود لوگوں نے انکی ویڈیو بناکر سوشل میڈیا پر وائرل کردی۔