آج عمران خان کی جانب سے جیل بھرو تحریک کا لاہور سے آغاز کیا جارہا ہے -اس کے لیے 2 بجے کا وقت دیا گیا ہے -گرفتاری کے لیے تحریک انصاف کے رہنما شاہ محمود ،اسد عمر ،سبطین خان ،مراد راس علامہ اقبال کے پوتے ولید اقبال بھی چیرنگ کراس پر موجود ہیں اور اپنے کارکنان سے خطاب کررہے ہیں –
تحریک انصاف کی جیل بھرو تحریک کے حوالے سے عمران خان نے خصوصی ویڈیو پیغام بھی جاری کر دیا ہے ۔ دیکھنا یہ ہے کہ تحریک کیا رخ کرتی ہے ۔ بتایا جا رہا ہے کہ پہلے مرحلے میں پی ٹی آئی کے مرکزی رہنما اور سابق گورنر پنجاب عمر سرفراز چیمہ، اسد عمر ،شاہ محمود قریشی ، سینیٹر ولید اقبال ، سابق صوبائی وزیر مراد راس سمیت 200 کارکنان گرفتاری دیں گے۔
کپتان کی کال پر #جیل_بھرو_تحریک کا آغاز آج دن 2 بجے چیرنگ کراس،مال روڈ سے ہو گا
گرفتاری دینے والوں میں عمر چیمہ،ولید اقبال،مراد راس،محمد مدنی اور فواد بھلر سمیت 200 کارکنان شامل ہیں۔
ہمیں اپنے ساتھیوں کو پورے پروٹوکول کے ساتھ جیل رخصت کرنا چاہیے #جیل_بھرو_خوف_کے_بت_توڑو pic.twitter.com/094Spc2x3y— #IamWithKhan (@sherry_900) February 22, 2023
گزشتہ روز تحریک انصاف سنٹرل پنجاب ونگ کی گورننگ باڈی کے اجلاس میں ’ جیل بھرو تحریک ‘ پر تفصیلی غور کیا گیا جبکہ صدر لاہور شیخ امتیاز محمود کی جانب سے شرکاء کو تفصیلی بریفنگ دی گئی اور تحریک کو کامیاب بنانے کے لیے حکمت عملی طے کی گئی۔ ڈاکٹر یاسمین راشد گرفتاریاں دینے والے رہنماؤں اور کارکنوں کے ہمراہ چیئرنگ کراس پہنچیں گی۔گرفتاریاں نہ ہونے کی صورت میں پی ٹی آئی نے پلان بی بھی تیار کر لیا ہے۔اگر حکومت نے گرفتاریوں سے انکار کیا تو پی ٹی آئی رہنما اور کارکنان مال روڈ چیئرنگ کراس پر دھرنا دیں گے۔حکومت نے لاہور میں دفعہ 144 نافز کردی ہے جس کے بعد حکومت کی جانب سے رہنماؤں کی گرفتاری کا فیصلہ کرلیا گیا ہے تاہم ابھی تک کارکنان کی گرفتاری کے حوالے سے حکومت نے ابھی کوئی فیصلہ نہیں کیا –
