تحریک انصاف نے بھگوڑے رہنماؤں کی واپسی کے سیاسی مستقبل کا فیصلہ کرلیا

تحریک انصاف نے پارٹی چھوڑ کرجانیوالے رہنماؤں کی واپسی کے حوالے سے اہم فیصلہ کر لیا -پارٹی میں موجود سیاسی رہنما جنھوں نے سخت مشکل حالات میں جان اور مال کا خطرہ اٹھا کر کپتان اور تحریک انصاف کاساتھ نہیں چھوڑا اب وہ ان لوگوں کی قسمت کے فیصلے کریں گے جو راتوں رات پریس کانفرنسز کرکے گھروں میں جاکر چھپ گئے تھے -، تاہم وہ مردو خواتین جو مجبوری یا دھمکیوں کے سبب پارٹی سے کنارہ کش ہوگئے تھے اور کبھی کسی جگہ نظر نہیں آئے – بانی چیئرمین نے ان چند شخصیات کیلئے سافٹ کارنر کا اظہار کیا ہے –
ایک صحافی حیدر شیرازی نے کہا ہےکہ میری خبر کے مطابق پارٹی چھوڑ جانے والے رہنماؤں کی واپسی سے متعلق کمیٹی بنائی گئی ہے، بیرسٹر گوہر خان اس کی تردید کرتے ہیں تو ان کا حق ہے۔ پی ٹی آئی کور کمیٹی کے اجلاس میں 3 قراردادیں پاس کی گئیں، ان میں ایک قرارداد عمر ایوب کے استعفے سے متعلق ہے، ایک قرارداد پارٹی ڈسپلن کی خلاف ورزی کو پارٹی سے نکالنے کے حوالے سے بھی تھی، تیسری قرارداد بہت اہم تھی جس میں پی ٹی آئی چھوڑ کر جانے والے لوگوں کی پارٹی پر تنقید کا سخت جواب دیا گیا ہے، پی ٹی آئی کی کمیٹی مولانا فضل الرحمٰن سے ملاقات کرے گی، مولانا فضل الرحمٰن سے مخصوص نشستوں سے متعلق مشاورت ہوگی۔
حیدر شیرازی کا مزید کہنا تھا کہ میری خبر کے مطابق پارٹی چھوڑجانے والے رہنماؤں کی واپسی سے متعلق کمیٹی بنائی گئی ہے، صحافی نے ایک ٹی وی شو میں دعویٰ کیا کہ عمران خان کا فیصلہ ہے کہ ان کی اور دیگر سینئر قیادت کی رہائی تک کسی بھگوڑے کو واپس پارٹی میں نہ لیا جائے، ان کا کہنا تھا کہ عمران خان نے شیریں مزاری، ملائیکہ بخاری اور مسرت چیمہ کیلئے سافٹ کارنر کا اظہار کیا ہے۔ ان کی پارٹی میں واپسی کے امکانات ہیں باقی کسی کی پارٹی میں کوئی جگہ نہیں ہے –