بیماری کا بہانہ بنا کر چھٹی لینے والی خاتون کی باس سے ہوائی جہاز میں ملاقات

بھارتی مہیلا کی چھٹیوں پر جانے اور ہوائی سفر سے لطف اندوز ہونے کی خواہش اس وقت دم توڑ گئی جب اس کی جہاز میں اپنے باس سے ملاقات ہوگئی -ہوا یہ کہ ایک خاتون نے آفس سے بیماری کا بہانہ بنا کر چھٹی لی اور سیر سپاٹے پر جانے کا پروگرام بنایا – وہ خوشی سے سرشار جہاز میں پہنچی مگر اس وقت ان کی شرمندگی کی کوئی انتہا نہ رہی جب اسی طیارے میں جس وہ سفر کررہی تھیں، اپنے باس سے ٹکرا گئیں۔باس بھی اسے دیکھ کر حیران رہ گیا –

بھارتی میڈیا کے مطابق گریس نامی 23 سالہ خاتون نے سوشل میڈیا پر اپنا واقعہ شیئر کیا جس میں انہوں نے کہا کہ میں نے دفتر سے بیماری کا بہانہ بنا کر چھٹی لی تھی کیونکہ مجھے کہیں جانے کیلئے فضائی سفر کرنا تھا لیکن اس کا نتیجہ اسی ہوائی جہاز میں اپنے مینیجگ ڈاریکٹر سے ملاقات کی صورت میں نکلا ۔ایکسپریس نیوز کے مطابق خاتون کی جانب سے واقعہ شیئر کرنے کے بعد سے پوسٹ نے 30,000 سے زیادہ کمنٹس اور متعدد لائکس کے ساتھ انٹرنیٹ پر طوفان برپا کر دیا ہے۔

ایک صارف نے لکھا کہ اگر میں ہوتا تو میں اپنی قسمت پھوٹ جانے پر شرمندگی کے مارے بچے کی طرح رونا شروع کردیتا اور اپنا استعفیٰ دے دیتا۔ دوسرے نے لکھا کہ خاتون اپنی ضرورت کی دوا لینے کے لیے فلائٹ پر جارہی ہوں گی۔شکر ہے کسی نے یہ نہیں پوچھا کہ پھر جہاز سے اترنے کے بعد اس کے باس نے اس کے ساتھ کیا کیا ؟