بدھ کی صبح نئی دہلی کے 100سے زائد اور بھارتی شہر نوئیڈا کے 2 سکولوں کو ای میلز کے ذریعے بم دھماکے کی دھمکی موصول ہوئی۔ دھمکی موصول ہونے کے بعد بم ڈسپوزل سکواڈ، فائر سروس کے اہلکار فوراً سکولوں میں پہنچ گئے اور عمارتوں کو خالی کرایا گیا۔ دھمکی کی خبر سے اساتذہ اور طلبہ میں خوف و ہراس پھیل گیا، جس کے بعد سکول خالی کرواکر تمام بچوں اور عملے کو گھر بھیج دیا گیا۔ تاہم تحقیق کے بعد معلوم ہواکہ سکولوں کوموصول ہونے والی ای میلز روس سے آئیں اور یہ تمام جھوٹی تھیں۔ وزارت داخلہ کی جانب سے جاری بیان میں کہا گیا ہے کہ گھبرانے کی ضرورت نہیں ہے۔ ای میلز محض جھوٹی اور مذاق لگ رہی ہیں، دہلی پولیس اور سکیورٹی ایجنسیاں پروٹوکول کے مطابق ضروری اقدامات کر رہی ہیں۔
انڈیا ٹوڈے کی خبر کے مطابق ابتدائی تحقیقات میں معلوم ہوا ہے کہ ای میلز کا آئی پی ایڈریس روسی زبان کا تھاتاہم دہلی پولیس کو شبہ ہے کہ ای امیل کا اصل آئی پی ایڈریس ورچوئل پرائیویٹ نیٹ ورک کے ذریعے چھپایا گیا ہو۔