الی ووڈبھارت سے تعلق رکھنے والے مشہور گلوکار کرشنا کمار کناتھ شو کے درمیان لائیو کنسرٹ کرتے ہوئے انتقال کر گئے ان کو معروف فلم ’ اوم شانتی اوم‘ کے گیتوں نے شہرت کی بلندیوں پر پہنچا یا تھا – کرشنا کمار کناتھ کولکتہ میں ایک سٹیج پر لائیو پرفارم کررہے تھے کہ ان کی طبیعت خراب ہوگئی انہیں ہسپتال لے جایا گیا مگر یہی شو ان کی زندگی کا آخری شو ثابت ہوا ۔
تفصیلات کے مطابق گلوکار کرشنا کمار کناتھ کی عمر محض 53 برس تھی ، وہ کنسرٹ کے سلسلے میں دو روز ہ دورے پر کولکتہ آئے تھے ، جب انہیں ہسپتال لے جایاگیا تو وہ دنیا سے رخصت ہو چکے تھے ۔ان کی موت ممکنہ طور پر ہارٹ اٹیک سے ہوئی ۔بھارتی میڈیا کے مطابق کرشنا کمار جوکے کے کے نام سے پہچانے جاتے تھے ،کی طبیعت کنسرٹ کے دوران ہی خراب ہونا شروع ہو گئی اور انہوں نے ا س سے متعلق شکایت بھی لیکن وہ اس کے باوجود پرفارم کرتے رہے ، کنسرٹ کے بعد وہ اپنے فائیو سٹار ہوٹل چلے گئے جہاں ان کی حالت مزید بگڑ گئی ، ہوٹل سے انہیں ہسپتال لے جایا گیا لیکن وہ راستے میں ہی دم توڑ گئے ۔