ہندوستان میں بھی ایک جنونی شخص نے بھارتی وزیراعظم کو جان سے مارنے کی دھمکی دی تو پورے بھارت میں شور مچ گیا -جس کے بعد ممبئی پولیس حرکت میں آئی اور نوئیڈا پولیس نے لکھنؤ سے ایک نوجوان کو گرفتار کیا ہے جس کے بارے میں خیال کیا جاتا ہے کہ اس نے ایک میڈیا ہاؤس کو وزیر اعظم نریندر مودی اور اتر پردیش کے وزیر اعلی یوگی آدتیہ ناتھ کو قتل کرنے کی دھمکی کی ای میل بھیجی تھی۔
اسسٹنٹ کمشنر آف پولیس رجنیش ورما نے بتایا کہ 16 سالہ جس نے ای میل کے ذریعے بھارتی وزیراعظم کو دھمکی دی کم عمر لڑکا ہے ،اس کو ریاست اتر پردیش کے دارالحکومت لکھنؤ کے علاقے چنہٹ سے گرفتار کرکے یہاں لایا گیا ۔ یہاں کے سیکٹر 20 پولیس سٹیشن میں 5 اپریل کو ایک ایف آئی آر درج کی گئی تھی جس کے بعد معاملے کی جانچ کی گئی، تکنیکی ٹیموں نے بھی ای میل بھیجنے والے کا پتہ لگانے کے لیے کام کیا۔
‘تفتیش کی بنیاد پر ای میل بھیجنے والے کا پتہ چلا اور اس کی رہائش کا اندازہ لگای اتو معلوم ہوا کہ وہ لکھنؤ کے علاقے چنہٹ میں موجود ہے ۔ دھمکی بھیجنے والا ایک سکول کا طالب علم ہے جس نے ابھی 11 ویں کلاس مکمل کی ہے ۔ لڑکے کوعدالت میں پیش کیا جا رہا ہے اور مزید قانونی کارروائی کی جا رہی ہے۔