بھارتی فلم انڈسٹری کے معروف اداکار دل کا دورہ پڑنے سے جاں بحق ہوگئے – 48 سالہ تامل اداکار ڈینیئل بالاجی کو 29 مارچ کو سینے میں تکلیف محسوس ہوئی تھی جس پر اُنہیں چنئی کے اسپتال لے جایا گیا لیکن طبی امداد ملنے کے باوجود بھی اُن کی طبیعت سنبھل نہ سکی اور وہ دُنیا سے رخصت ہوگئے۔
ڈینیئل بالاجی کی اس طرح ناگہانی موت سے ساؤتھ انڈین فلم انڈسٹری اور اُن کے مداحوں کو بہت رنج پہنچا ہے ، ڈینیئل کے ساتھی اداکاروں کی جانب سے سوشل میڈیا پر گہرے دُکھ کا اظہار کیا جارہا ہے۔ اداکار ڈینیل بالاجی نے ‘مردھونایاگم’ میں یونٹ پروڈکشن مینیجر کے طور پر اپنے کیریئر کا آغاز کیا تھا، اس کے بعد اُنہوں نے بطورِ اداکار ٹیلی ویژن کی دُنیا میں قدم رکھا، اُن کے پہلے کردار کا نام ڈینیئل تھا، جس کے سبب اسکرین پر اُن کا نام ڈینیل بالاجی رکھ دیا گیا تھا۔
سال 2022 میں ڈینیئل بالاجی نے تامل فلم ‘اپریل مداتل’ سے اپنے فلمی کیریئر کی شروعات کی، تامل فلموں کے علاوہ، انہوں نے کئی ملیالم، تیلگو اور کنڑ فلموں میں بھی اداکاری کی۔مگر وہ آج اپنے مداحوں کو سوگوار چھوڑ کر ہمیشہ کے لیے ان سے خاموشی سے جدا ہوگئے –