بنکاک کی پرندہ مارکیٹ میں شارٹ سرکٹ کے سبب لگنے والی آگ سے ایک ہزار کے قریب بےزبان قیمتی اور نایاب جانور جل کر راکھ ہوگئے ۔جس درد دل رکھنے والے شخص نے یہ خبر سنی اس کی آنکھ نم ہوگئی -اطلاعات کے مطابق غیر ملکی میڈیا نے افسوناک خبر نشر کی کہ بنکاک کی مشہور چٹوچک مارکیٹ میں آگ شاٹ سرکٹ کے باعث لگی جس نے دیکھے ہی دیکھتے مارکیٹ کو اپنی لپیٹ میں لے لیا۔ بتایا گیا ہے کہ اس مارکیٹ میں 100 کے قریب دکانیں تھیں جس میں قیمتی اور نایاب جانور اور پرندے موجود تھے، آتشزدگی کی وجہ سے ایک ہزار کے قریب جانور اور پرندے اپنے پنجروں میں ہی جھلس کر مرگئے ، ہلاک ہونے والے جانداروں میں پرندے، کتے، بلیاں اور سانپ سمیت دیگر نایاب جانور بھی شامل ہیں۔ میڈیا رپورٹس کے مطابق خوش قسمتی سے مارکیٹ میں آگ لگنے سے کوئی انسانی جان کا نقصان رپورٹ نہیں ہوا البتہ اس واقعے نے حکام سے پالتو جانوروں کے زون کو بند کرنے کے لئے نئے سرے سے مطالبات کو جنم دے دیا۔