پاکستان میں اس وقت مون سون کا موسم شروع ہوگیا ہے جس کے سبب ملک بھر کے مختلف مقامات پر موسلادھار بارشوں کا سپیل جاری ہے – کل لاہور میں ایک گھنٹے کی بارش سے سڑکوں پر کئی فٹ پانی کھڑا ہوگیا تھا -آج کرک میں شدید بارش ہوئی – بلوچستان کے مختلف علاقوں میں 8 جولائی تک طوفانی بارشوں کی پیشگوئی کی گئی ہے، جس کے باعث سیلابی صورتحال پیدا ہوسکتی ہے۔ پی ڈی ایم اے نے ضلعی حکومتوں کو مراسلہ ارسال کیا ہے جس میں کہا گیا ہے کہ 8 جولائی تک ہونیوالی مون سون بارشوں کے نتیجے میں مختلف علاقوں میں اربن فلڈنگ کا خدشہ ہے جبکہ ڈیموں، دریاؤں اور ندی نالوں میں پانی کی سطح میں غیر معمولی اضافہ ہوسکتا ہے ۔ پی ڈی ایم نے مراسلےمیں سفارش کی ہے کہ بلوچستان کے سیاحتی مقامات کو 8 جولائی تک بند کردیا جائے جبکہ گہرے پانی کے تالابوں، ڈیمز اور دریاؤں کے قریب جانے پربھی پابندی عائد کی جائے۔
https://twitter.com/nusrat_khan203/status/1676248500156112896
بارشیں برسانے والا نیا سسٹم پاکستان میں داخل
News Headlines | 04 AM | 4 July 2023 | GNN pic.twitter.com/Jr0DeIHBCe— GNN (@gnnhdofficial) July 4, 2023
دوسری جانب اسلام آباد اور پنجاب کے مختلف شہروں میں آج بھی مون سون بارشوں کی توقع ہے، سندھ میں مون سون ہواؤں کا سلسلہ 6 اور 7 جولائی کے درمیان داخل ہونے کی پیش گوئی کی گئی ہے، جس کے سبب کراچی میں 7 سے 9 جولائی تک آندھی اور گرج چمک کے ساتھ بارش کی توقع ہے ۔اس کے ساتھ ساتھ 7 سے 9 جولائی تک سندھ کے دوسرے شہروں لاڑکانہ، شکار پور ، جیکب آباد اور کشمور ، گھوٹکی سکھر اور نوشہرو فیروز ،جامشورو، قمبر شہداد کوٹ، تھرپارکر ، عمرکوٹ میں بارش کا امکان ہے۔
