یکم جون کو شروع ہونے والی مون سون بارشوں کے حالیہ سپیل نے بلوچستان میں تباہی مچا دی ہے، جس سے اب تک 100 سے زائد افراد ہلاک ہو چکے ہیں اور صوبے کے بیشتر علاقوں میں سیلاب نے تباہی مچادی ہے -لوگوں کا قیمتی سامان بھی سیلاب کی نظر ہوگیا ۔
جمعرات کو ایک پریس کانفرنس میں بلوچستان کے چیف سیکریٹری عبدالعزئی عقیلی نے انکشاف کیا کہ صوبے میں موسلادھار بارشوں کے باعث اب تک 111 افراد جان کی بازی ہار چکے ہیں۔بڑے پیمانے پر ہونے والی تباہی کی تفصیلات بتاتے ہوئے چیف سیکرٹری نے کہا کہ بارشوں نے 6,077 مکانات کو مکمل طور پر تباہ ہوگئے جبکہ 10,000 سے زائد گھروں کو جزوی طور پر نقصان پہنچا ۔
بارشوں سے 16 ڈیموں کو بھی نقصان پہنچا جبکہ دو ایکڑ اراضی پر پھیلی فصلیں اور باغات بھی برباد ہوگئے۔چیف سکریٹری نے کہا کہ مون سون کے حالیہ اسپیل میں توقع سے 500 فیصد سے زیادہ بارش ریکارڈ کی گئی جس کے سبب 2,400 سولر پینلز کو بھی شدید نقصان پہنچایا۔انہوں نے بتایا کہ بارشوں سے بلوچستان کے 10 اضلاع متاثر ہوئے اور 650 کلومیٹر سڑکوں کو نقصان پہنچا ہے۔