بلوچستان میں سیاست دانوں کو دہشت گردی کا اکثر سامنا رہتا ہے ،سب سے زیادہ حملے ساست دانوں پر بلوچستان میں ہی کیے جاتے ہیں آج انھوں نے باپ پارٹی کے اہم رہنما کو ٹارگٹ کرنے کی کوشش کی – رکن قومی اسمبلی اور بلوچستان عوامی پارٹی(باپ) کے صدر خالد مگسی پر بلوچستان کے علاقے نوتل کے قریب فائرنگ کی گئی ہے تاہم وہ حملے میں معجزانہ طور پر محفوظ رہے۔
نجی ٹی وی ڈان نیوز کے مطابق ایم این اے خالد مگسی کی گاڑی پر نوتل کے قریب فائرنگ کی گئی جس میں وہ خوش قسمتی سے بچ گئے۔قاتلانہ حملے پر خالد مگسی کے محافظوں نے جوابی فائرنگ کی جس سے حملہ آور فرار ہوگئے۔نوابزادہ خالد مگسی باپ پارٹی کے مرکزی صدر اور رکن قومی اسمبلی ہیں۔