دنیا کی سب سے کم عمر ارب پتی شخصیت ایک ایسی لڑکی ہے جو اب بھی کالج میں زیرتعلیم ہے وہ ابھی ٹین ایجر ہے اور وہ ایک ارب 10 کروڑ ڈالرز (3 کھرب پاکستانی روپے سے زائد) دولت کی مالک ہیں۔ برازیل سے تعلق رکھنے والی 19 سالہ لیویا ویگوٹ دنیا کی سب سے کم عمر ارب پتی ہونے کا اعزاز اسے خاندان سے ورثے میں ملنے والی دولت کی وجہ سے ملا ہے اس میں اس کا اپنا کوئی کمال یا ہنر نہیں ہے ۔
اس کی اتنی دولت کی وجہ ان کے دادا کا الیکٹرک کا کاروبار ہے جس کی مصنووعات پورے برازیل کے علاوہ دیگر کئی ممالک میں فروخت ہوتی ہیں -لیویا ویگوٹ اور ان کی 26 سالہ بہن ڈورا ویگوٹ دونوں اس کمپنی کے 3، 3 فیصد حصص کی مالک ہیں۔یہ کمپنی 135 سے زائد ممالک میں برقی مصنوعات برآمد کرتی ہے مگر دونوں بہنوں کا اسے چلانے میں کوئی کردار نہیں۔درحقیقت اس کمپنی سے جڑے مزید 28 افراد بھی ارب پتی افراد کی فہرست میں شامل ہیں جن میں سے کچھ لیویا ویگوٹ کے رشتے دار بھی ہیں۔
دلچسپ بات یہ ہے کہ اس فہرست میں ایک اور 19 سالہ ارب پتی بھی موجود ہے مگر وہ لیویا ویگوٹ سے 2 ماہ بڑا ہونے کے باعث سب سے کم عمر ارب پتی کا اعزاز اپنے نام نہیں کر سکا۔اٹلی سے تعلق رکھنے والے 19 سالہ کلےمنٹے ڈی ویشیو کے اثاثوں کی مالیت 4.7 ارب ڈالرز ہے جو آئی گلاسز بنانے والی کمپنی کے شئیر ہولڈر ہین ۔
