بجٹ نہ ہونے کے سبب لاہور کا ہارس اینڈ کیٹل شو منسوخ

پنجاب حکومت نے رواں برس ہارس اینڈ کیٹل شو کا تاریخی میلہ منسوخ کردیا ۔ پاکستان کی 75 سالہ تاریخمیں یہ پہلی بار ہوا ہے کہ پیسے نہ ہونے کی وجہ سے یہ میلہ ختم کیا گیا اس سے قبل دہشت گردی کی خطرات کی بنا پر اس شو کو منسوخ کیا جاتا رہا ہے -لاہور میں ہر سال جشن بہاراں کے دوران کینٹ میں 3 روزہ ہارس اینڈ کیٹل شو ہوتا تھا۔ذرائع کے مطابق اس سال سیکیورٹی خدشات بھی موجود ہیں جبکہ کیٹل شو پر80 کروڑ روپے کے اخراجات کا بھی تخمینہ لگایا گیا تھاجس پر کابینہ نے فیصلہ کیا کہ معاشی صورتحال اور کفایت شعاری مہم کے تحت 3 دن میں 80 کروڑ روپے کے اخراجات نہیں اْٹھائے جا سکتے۔

واضح رہے ہارس اینڈ کیٹل شو پنجاب کی ثقافت اور تاریخ کا ایک اہم میلہ سمجھا جاتا ہے۔