برطانیہ میں 2022 میں 2 وزیراعظموں کے مستعفی ہونے کے بعد تیسرے وزیراعظم کا فیصلہ ہوگیا -اس سے پہلے بورس جانسن اور پھر لز ٹرس کو اسی سال اس عہدے سے ہاتھ دھونے پڑے تھے اور لز ٹرس نے تو صرف 45 دن کے بعد ہی اپنی جماعت کی جانب سے مخالفت اور اپنی انتظامی ناکامی کا اعتراف کرکے استعفیٰ دے دیا تھا-
رشی سونک برطانیہ کے نئے وزیراعظم مقرر pic.twitter.com/Q5KPh3OSYX
— Geo News Urdu (@geonews_urdu) October 25, 2022
ٹین ڈاؤننگ سٹریٹ پر اپنے پہلے خطاب میں رشی سونک نے سابقہ وزیراعظم لزٹرس کو خراج تحسین پیش کیا۔انہوں نے کہا کہ برطانیہ کو اس وقت بڑے معاشی بحران کا سامنا ہے جس وجہ سے انہیں وزیراعظم کے دفترکیلئے چنا گیا ہے تاکہ وہ سابقہ حکومت کی غلطیوں کو سدھار سکیں۔نومنتخب وزیراعظم کا کہنا تھا کہ لز ٹرس نے تبدیلی کیلئے انتھک محنت کی لیکن ان سے کچھ غلطیاں ہوئیں۔
بھارتی نژاد رشی سونک برطانیہ کے نئے وزیراعظم منتخب ہو گئے
ترقی یافتہ ممالک میں صرف قابلیت دیکھی جاتی ہے رنگ نسل مذہب یا عقیدہ نہیں pic.twitter.com/Cu20BLzAy2— Awais Iqbal (@IqAwais) October 24, 2022
بورس جانسن کے بطور وزیراعظم لئے گئے زبردست اقدامات کی رشی سونک نے کھل کرتعریف کی اور کہا کہ ہم بہترین انتظامی صلاحیتوں کو بروئے کار لاکر برطانوی عوام کو ریلیف دینے پر ہم ہمیشہ ان کے شکر گزار رہیں گے، اب ان کی حکومت ہر سطح پر دیانتداری، پروفیشنلزم اور احتساب نظر آئے گا۔انھوں نے اپنی عوام سے وعدہ کیاکہ وہ برطانیہ کی عوام کی امنگوں پر پورا اترنے کی پوری کوشش کریں گے –
