پاکستان تیم کے کپتان بابر اعظم کا بیٹنگ میں کئی سالوں سے راج برقرار ہے کل کے میچ میں انھون نے ایک بار پھر اپنی کلاس دکھائی اور 75 رنز کی شاندار اننگ کھیلی -اس اننگ کی بدولت بابر اعظم نے ٹی ٹوئنٹی انٹرنیشنلز میں بھارتی سٹار بیٹر ویرات کوہلی کا ایک اور ریکارڈ توڑ دیا۔ قومی ٹیم کے کپتان ٹی ٹوئنٹی انٹرنیشنلز میں سب سے زیادہ مرتبہ 50 یا اس سے زائد رنز بنانے والے کھلاڑی بن گئے۔
بابر اعظم نے 39 مرتبہ 50 یا اس سے زائد رنز بنانے کا ریکارڈ بنایا۔ انہوں نے یہ سنگ میلک آئرلینڈ کے خلاف تیسرے ٹی ٹوئنٹی میں عبور کیا۔ انکے ان 39 ففٹی پلس اسکورز میں 36 نصف سنچریاں اور 3 سنچریاں شامل ہیں۔واضح رہے کہ ویرات کوہلی 38 مرتبہ 50 یا اس سے زائد کا سکور بناچکے ہیں جس میں 37 نصف سنچریاں اور ایک سنچری شامل ہے۔