ایشز سیریز کے تیسرے ٹیسٹ میچ میں انگلینڈ نے آسٹریلیا کو تین وکٹوں سے شکست دے دی، سیریز میں آسٹریلیا کو دو ایک سے برتری حاصل ہے ۔ 251 رنز کا آسٹریلوی ہدف انگلینڈ نے 7 وکٹ پر پورا کر لیا۔ اس ایشز سیریز میں یہ انگلینڈ کی پہلی جیت ہے۔ اس سے پہلے کھیلے گئے دونوں میچز میں دلچسپ مقابوں کے بعد آسٹریلیا نے انگلینڈ کو ہرایا تھا –
انگلینڈ نے آسٹریلیا کی جانب سے دیا جانے والا 251 رنز کا ہدف 7 وکٹوں کے نقصان پر حاصل کرلیا، دوسری اننگز میں ہیری بروک نے شاندار 75 رنز کی اننگز کھیلی، مارک ووڈ کو شاندار بولنگ پر میچ کا بہترین کھلاڑی قرار دیا گیا۔اوپنر زیک کرولی 44 رنز بنا کر آؤٹ ہوئے، کرس ووکس 32 رنز کے ساتھ ناٹ آؤٹ رہے، آسٹریلیا کی جانب سے مچل اسٹارک نے پانچ کھلاڑیوں کو پویلین کی راہ دکھائی، مچل مارش اور کپتان پیٹ کمنز نے ایک، ایک وکٹ حاصل کی۔انگلینڈ کی جانب سے اسٹیورٹ براڈ اور کرس ووکس نے تین، تین جبکہ مارک ووڈ اور معین علی نے دو، دو وکٹیں حاصل کیں۔
آسٹریلیا نے پہلی اننگز میں 263 رنز بنائے تھے جبکہ انگلینڈ کی ٹیم پہلی اننگز میں 237 رنز پر آؤٹ ہوگئی تھی۔ 36 رنز کے خسارے میں جانے کے باوجود انگلیغ نے چوتھی اننگ میں شاندار کم بیک کیا اور میچ جیت لیا –
آسٹریلوی ٹیم دوسری اننگز میں خاطر خواہ کارکردگی نہ دکھاسکی اور 224 رنز پر ڈھیر ہوگئی ، عثمان خواجہ 43 رنز کے ساتھ نمایاں رہے تھے جبکہ مارنوس لبوشین 33 رنز بنا کر آؤٹ ہوئے۔واضح رہے آسٹریلیا کو ایشز میں 1-2 کی برتری حاصل ہے جبکہ سیریز کا چوتھا میچ 19 جولائی سے مانچسٹر میں کھیلا جائے گا۔