نیوزی لینڈ کے کپتان کیم ولیم سن کی شاندار ان بیٹن ڈبل سنچری کی بدولت کیویز کی میچ پر گرفت مظبوط ہو گئی -نیوزی لینڈ کی ٹیم نے 612 رنز بناکر اننگ ڈیکلیر کردی جس کے جواب میں پاکستانی بیٹنگ لڑکھڑاگئی اور پاکستان نے دوسری اننگز میں 2 وکٹ کے نقصان پر 77 رنز بنالیے اور اسے 97 رنز کا خسارہ ہے، عبداللہ شفیق 17 اور شان مسعود 10 رنز بناکر آؤٹ ہوئے۔اس سے قبل پاکستان نے اپنی پہلی اننگ میں 438 رنز بنائے تھے جس میں بابر اور نعمان کی سنچریاں شامل تھیں -وکٹ کیپر سرفراز نے 86 رنز کی شاندار اننگ کھیلیتھی مگر ان کی وکٹ کیپنگ کی خراب کارکردگی نے ان کے لیے بڑے مسائل پیدا کردیے ہیں –
پاکستان کی جانب سے ابرار احمد نے 5 ،نعمان علی نے 3 اور محمد وسیم نے ایک وکٹ لی۔پاکستان کی جانب سے دوسری اننگز کا آغاز عبداللہ شفیق اور امام الحق نے کیا۔ عبداللہ شفیق 17 رنز بناکر آؤٹ ہوگئے۔ ان کے بعد شان مسعود بھی صرف 10 رنز بناکر پویلین لوٹ گئے
۔دن کے آخری لمحات میں نائٹ واچ مین نعمان علی بیٹنگ کیلئے آئے۔ کھیل ختم ہوا تو امام الحق 45 اور نعمان علی 4 رنز بناکر ناٹ آؤٹ تھے۔ایسا لگتا ہے کہ کل کا دن پاکستانی ٹیم کے لیے سخت امتحان کا دن ہوگا اور اگر وہ یہ ٹیسٹ بھی ہار گئے تو ہوم گراؤنڈ میں یہ ان کی مسلسل چوتھی شکست ہوگی-