ورلڈکپ کے افتتاحی میچ میں نیوزی لینڈ نے انگلینڈ کو 9وکٹوں سے عبرتناک شکست دے کر پچھلے ون ڈے ورلڈ کپ کے فائنل میچ میں شکست کا بدلہ لے لیا۔ انگلینڈ نے پہلے بیٹنگ کرتے ہوئے مقررہ 50اوورز میں 9وکٹوں کے نقصان پر 282 رنز بنائے جس کے جواب میں نیوزی لینڈ نے مطلوبہ ہدف37ویں اوور میں 1وکٹ کے نقصان پر پورا کر لیا۔ڈیون کانوے او ر ریچن رویندرا نے دھواں دار اننگر کھیلتے ہوئے سنچریاں سکور کیں اور اپنی ٹیم کو فتح دلا کر پویلین لوٹے ۔ اور اس طرح نیوزی لینڈ نے انگلینڈ سے 2019 کے ورلڈ کپ کی شکست کا بدلہ بھی لے لیا –
نیوزی لینڈ نے ٹاس جیت کر پہلے باولنگ کا فیصلہ کیا آج انگلینڈ کے لیے اچھا دن نہیں تھا اس کے ورلڈ کلاس بیٹسمین وہ کارکردگی نہ دکھا سکے جس کی دنیا ان سے توقع کررہی تھی – اوپننگ پر آنے والے جونیر بیئرسٹو 33 رنز بنا کر کیچ آوٹ ہو گئے جبکہ ان کے ساتھ آنے والے ڈیوڈ ملان 14 رنز ہی بنانے میں کامیاب ہوئے۔ ہیری بروک 25 بھی 25 رنز ہی بنا پائے ۔معین علی
11 رنز پر وکٹ گنوا بیٹھے۔ ۔جوز بٹلر 43سکور بنا کر آوٹ ہوئے ۔ جو روٹ نے ثابت کیا کہ وہ ورلڈ کلاس بیٹسمین ہیں وہ 77سکور بنا کر پویلین لوٹے ۔ لیام لیونگ سٹون 20، کرس ووکس 11اور سیم کرن 14سکور بنا کر آوٹ ہوئے۔نیوزی لینڈ کی جانب سے میٹ ہینر ی نے 3 جبکہ مچل سینٹنر اور گلین فلپ نے 2,2وکٹیں حاصل کیں ۔اس کے علاوہ ریچن رویندرا اور ٹرینٹ بولٹ نے ایک، ایک وکٹ حاصل کی۔اس کے جواب میں نیوزی لینڈ کے اوپنر پہلی ہی گیند پر آؤٹ ہوگئے مگر اس کے بعد نیوزی لینڈکی جوڑی وکٹ پر ایسی جمی کہ 37 ویں اوور میں 283 رنز کا ہدف پورا کرلیا -روندرا 123 اور کونوے 152 رنز کی اننگ کھیل کر ،ٹیم کو فتح سے ہمکنار کرکے پویلین لوٹے –
