پاکستان میں رات کے وقت انٹرنیٹ نشریات کے بحال ہونے کی خبر میڈیا پر آئی کچھ دیر یہ نشریات بحال ہوئیں مگر کچھ دیر بعد دوبارہ یہ نشریات بند ہوگئیں -اب پاکستان ٹیلی کمیونیکیشن اتھارٹی نے بیان جاری کرتے ہوئے کہاہے کہ حکومت کی جانب سے اب تک سوشل میڈیا کی بحالی کی ہدایات نہیں ملی ہیں ۔
گزشتہ شب پاکستان کے مختلف شہروں میں انٹر نیٹ کو بحال تو کیا مگر اس کی رفتار کم ہی رہی -کم رفتار کے سبب سوشل میڈیا سائٹس استعمال کرنے میں دشواری کا سامنا ہے ۔ پی ٹی اے کا کہنا ہے کہ اب تک سوشل میڈیا بحالی کی ہدایات نہیں ملیں۔ لاہور میں آج بھی یوٹیوب ،فیس بک ،ٹویٹر اور دیگر ایپلیکیشنز تاحال بندش کا شکار ہیں –
حکومت کی جانب سے پی ٹی آئی چیئرمین عمران خان کی گرفتاری کے بعد 9 مئی کو ملک بھر میں انٹرنیٹ سروس معطل کردی گئی تھی ۔تاہم انٹرنیٹ کی بندش سے تین دن میں آئی ٹی سیکٹر کو 10 ارب روپے کا نقصان ہوا جب کہ ٹیلی کام سیکٹر کو ڈھائی ارب کا نقصان ہوا۔ٹیلی کام انڈسٹری کے ذرائع کا کہنا ہے کہ حکومت کی ٹیکس آمدنی میں تقریباً 86 کروڑ روپے کا نقصان ہوا۔سب سے زیادہ متاثر وہ غریب طبقہ ہورہا ہے جو موبائل اور انٹرنیٹ کے ذریعے روزگار سے وابستہ ہے –
