سری لنکا کی ٹیم جس نے ورلڈ کپ میں انتہائی ناقص کرکردگی کا مظاہرہ کیا تھا اب ایک اور مشکل کا شکار ہوگئی -سری لنکا کی بدترین پرفارمنس پر حکومت نے سری لنکن بورٹ کو فارغ کردیا تھا -حکومت کی طرح براہ راست بورڈ میں مداخلت آئی سی سی کے قوانین کی خلاف ورزی تھی جس پر آئی سی سی نے ایکشن لے لیا -انٹرنیشنل کرکٹ کونسل نے سری لنکا کرکٹ کی رکنیت معطل کر دی۔ آئی سی سی کا کہنا تھا کہ سری لنکا کرکٹ کو حکومتی مداخلت کی بنا ءپر معطل کیا گیا ہے۔ آئی سی سی ترجمان کا کہنا ہے کہ بورڈ اجلاس میں اتفاق ہوا کہ سری لنکن کرکٹ کے معاملات آئی سی سی قوانین کی خلاف ورزی ہیں، معطلی اور اس کے خاتمے کی شرائط و ضوابط جلد طے کریں گے۔واضح رہے کہ گزشتہ دنوں آئی سی سی ون ڈے ورلڈ کپ میں سری لنکا کرکٹ ٹیم کی ناقص کارکردگی پر سری لنکا کے وزیر کھیل روشن رانا سنگھے نے کرکٹ بورڈ کو فارغ کر دیا تھا، بتایا گیا تھا کہ وزیر کھیل کے کرپشن کے الزامات پر بورڈ سے تعلقات کشیدہ تھے۔
بعد ازاں 1996 ورلڈکپ فاتح ٹیم کے کپتان ارجنا رانا ٹنگا کو ذمے داری سونپ دی گئی جب کہ انہیں عبوری چیئرمین مقرر کیا گیا تھا۔تاہم سابق صدرکرکٹ بورڈ شمی سلوا نے وزرات کھیل کے فیصلے کے خلاف عدالت سے رجوع کیا جس کے بعد اپیل کورٹ نے سری لنکن کرکٹ بورڈ کو فارغ کرنے کے بعد عبوری کمیٹی کےقیام پر عملدرآمد روک دیا تھا مگر اسوقت تک بہت دیر ہوچکی تھی ۔یاد رہے کہ سری لنکا کی ٹیم 1996 میں ورلڈ چیمپین رہ چکی ہے جبکہ 2 بار اس کو ورلڈ کپ کا فائنل کھیلنے کا اعزا ز بھی حاصل ہے مگر ملکی حالات کا اثر ٹیم کی کارکردگی پر بھی پڑڑہا ہے یہی وجہ ہے کہ ٹیم ہر ٹورنامنٹ میں بہت بری کارکردگی دکھا رہی ہے ورلڈ کپ کھیلنے کے لیے بھی سری لنکا کو کوالی فائنگ راؤننڈ کھیلنا پڑا تھا –