امریکہ کے لیے قدرتی آفات میں سب سے زیادہ تباہی سمندری طوفانوں سے آتی ہے جو تواتر کے ساتھ امریکہ کی مختلف ریاستوں کے ساحل سے ٹکراتے ہیں اور جو شے راستے میں آتی ہے اسے بہالے جاتے ہی –
270 کلومیٹر فی گھنٹہ کی رفتار سے لہروں کو بہانے والی ہواؤں کے سبب طاقتور سمندری طوفان ’’اوٹس‘‘ میکسیکو کے تفریحی مقام اکاپولکو سے ٹکرا گیا جس کے نتیجے میں کم از کم 27 افراد ہلاک ہو گئے ہیں۔غیرملکی میڈیا کے مطابق سمندری طوفان اوٹس کا شمار طاقتور ترین سمندری طوفانوں میں کیا جارہا ہے –
طاقتور ترین سمندری طوفان اوٹس میکسیکو سے ٹکرا گیا، 27 افراد ہلاکhttps://t.co/Jvnr6Q2FIv
— Geo News Urdu (@geonews_urdu) October 27, 2023
تیز ہواؤں کی وجہ سے درخت جڑ سے اکھڑ گئے، گھروں اور ہوٹلز کی چھتیں اڑ گئیں جبکہ سڑکیں بہنے سے بیشتر علاقوں کا زمینی رابطہ منقطع ہوگیا اور بہت سے اسپتال بھی ٍیر محفوظ ہوگئے جس کی وجہ سے وہاں موجود مریضوں کو نکال کر محفوظ مقام پر منتقل کیا گیا۔انتظامیہ کے مطابق دریا بپھرنے کی وجہ سے بہت سے لوگ بہہ گئے ہیں جن میں سے 4 افراد تاحال لاپتا ہیں اور مختلف واقعات میں اب تک کم از کم 27 افراد ہلاک ہو چکے ہیں۔ میکسیکو کے صدر نے بتایا کیا سمندری طوفان اوٹس چند ہی گھنٹوں میں بننے والا طوفان تھا اور اس طوفان کو 5 ویں نمبر کا خطرناک طوفان سمجھا گیا جس نے اکاپولکو میں تباہی مچائی۔
