دنیا کا کوئی بھی خطہ اس وقت شرپسندوں سے محفوظ نہیں ہے -اس کی حالیہ نظیر اس وقت سامنے آئی جب امریکی پولیس نے ایک جنونی شخص کو وائٹ ہاؤس کے باہر سے گرفتار کیا -پولیس نے تفتیش کی تو ایک خوفناک حقیقت سامنے آئی -امریکہ کے صدر جو بائیڈن کو قتل کرنے کی دھمکی دینے والے بھارتی نژاد نوجوان کووائٹ ہاؤس کے قریب سے گرفتار کرلیا گیا ہے۔ 2روز قبل بھارتی نژاد نوجوان نے وائٹ ہاؤس کے پارک میں ٹرک سے حفاظتی رکاوٹ کو دانستہ ٹکر ماری اور سڑک پر کھڑے ہوکر چیخنے لگ گیا۔
امریکی صدر کو قتل کی دھمکی دینے والا بھارتی نژاد نوجوان گرفتار https://t.co/X7hPOUYBD6
— Geo News Urdu (@geonews_urdu) May 25, 2023
گرفتار کیے جانے والے نوجوان کی شناخت 19 سالہ سائی ورشت کنڈولا کے نام سے ہوئی ہے ۔ریاست میزوری سے تعلق رکھنے والے گرفتار بھارتی نژاد ملزم نے بتایا کہ “میں یہاں حکومت پر قبضہ کرنے کے لیے آیا تھا اور صدر جو بائیڈن کو قتل کرنا چاہتا تھا، میں 6 ماہ سے منصوبہ بندی کر رہا تھا، واقعہ کے روزہی سینٹ لوئی سے واشنگٹن پہنچا تھا”۔سیکیورٹی اہلکاروں نے کارروائی کرتے ہوئے نوجوان کو گرفتار کرلیا ہے۔تاہم ابھی یہ بات واضح نہیں ہو پائی کہ یہ اس کا ذاتی عمل تھا یا اس کے پیچھے کسی اور تنظیم کا بھی ہاتھ ہے
