امریکہ میں سمندری طوفان ہر سال تباہی مچا جاتے ہیں جس میں درجنوں افراد موت کی وادی میں اتر جاتے ہیں ایسا ہی ایک طو فان اس بار پہلے بھی کہیں زیادہ تباہی لے کر آیا جس نے ریاست فلوریڈا کے ساتھ ساتھ کیرولائنہ کو بھی اپنا ہدف بنایا اور کہا جارہا ہے کہ یہ طوفان پچھلے 500 سالوں میں بدترین طوفا ن ہے امریکہ میں طوفان سے ہلاکتوں کی تعداد109 ہو گئی، صرف ریاست فلوریڈا میں 105 اموات ہوئیں
سمندری طوفان 'ایان' نے امریکہ کی ریاست فلوریڈا میں تباہی مچا دی ہے۔ طوفان کے باعث چلنے والی تیز ہوائیں اور اونچی لہریں اپنے ساتھ ہر چیز بہا کر لے گئیں۔ ایان کے ٹکرانے سے تقریباً 20 لاکھ کے قریب آبادی بجلی سے محروم ہے۔ #Florida #Ian2022 #VOAUrdu pic.twitter.com/wG5Brz5wl6
— VOA Urdu (@voaurdu) September 30, 2022
سب سے زادہ تباہی لی کاونٹی میں ہوئی جہاں طوفان ختم ہونے کے بعد 55 لاشیں برآمد ہوئیں جبکہ طوفان کے باعث امریکی ریاست کیرولائنا میں بھی 4 اموات رپورٹ ہوئیں ۔ طوفان کو ایک ہفتہ گزرنے کے باوجود فلوریڈا میں ساڑھے 4 لاکھ افراد بجلی سے محروم ہیں ۔دوسری جانب امریکی صدر جوبائیڈن نے فلوریڈا کا دورہ کیا اور انفرا سٹرکچر کی بحالی م ہر ممکن تعاون کی یقین دہانی کرائی- امریکی صدر نے کہا کہ آپ ویسا ہی انفرا اسٹر کچر اس لیے نہیں بنا سکتے کیونکہ طوفان پھر آنے والا ہے، اب ایسا انفرا اسٹر کچر بنایا جائے جو اگلے طوفان کا سامنا کر سکے۔
امریکہ میں اس وقت طوفان ایان ریاست فلوریڈا میں بڑے پیمانے پر تباہی مچانے کے بعد دوسری ریاستوں کی جانب بڑھ رہا ہے۔ فلوریڈا کے گورنر کہتے ہیں کہ یہ طوفان پانچ سو سالہ تاریخ کا بدترین طوفان تھا، جس سے متعدد ہلاکتیں ہوئی ہیں۔ مزید تفصیل جانیے اس ویڈیو میں۔ pic.twitter.com/JGatsOpnTj
— VOA Urdu (@voaurdu) October 2, 2022
صدربائیڈن نے خاتون اول کے ساتھ فلوریڈا کا دورہ کیا، جہاں حالیہ طوفان سے ہلاکتوں کی تعداد 105 تک پہنچ چکی ہے۔اس موقع پر ری پبلکن گورنر ڈی سانتیس اور سینیٹرمارکو روبیو اور رک اسکاٹ بھی صدر کے ہمراہ موجود تھے۔فلوریڈا میں ریسکیو کا عملہ گھر گھر جا کر بدھ کو یہاں آئے طوفان سے آئی تباہی کاجائزہ لے رہا ہے، کئی تباہ شدہ گھروں سے لوگوں کی لاشیں برآمد ہونے سے اموات میں اضافہ سامنے آیا ہے۔
