امریکہ نے بی جے پی کے دو عہدیداروں کی طرف سے پیغمبر اسلام حضرت محمد رسول اللہ خاتم النبیین صلی اللہ علیہ وسلم کے خلاف کیے گئے توہین آمیز ریمارکس کی مذمت کی ہے۔
اپنی پریس بریفنگ میں، امریکی اسٹیٹ ڈپارٹمنٹ کے ترجمان نیڈ پرائس نے کہا کہ ہم مذہبی یا عقیدے کی آزادی سمیت انسانی حقوق کے مسائل پر سینئر سطح پر ہندوستانی حکومت کے ساتھ باقاعدگی سے بات چیت کرتے ہیں۔ انہوں نے کہا کہ ہم ہندوستان کو انسانی حقوق کے احترام کو فروغ دینے کی ترغیب دیتے ہیں۔
ایک سوال کے جواب میں ترجمان نے پاکستان کو ایک پارٹنر کے طور پر بیان کرتے ہوئے کہا کہ ان کا ملک اس شراکت داری کو اس انداز میں آگے بڑھانے کے طریقے تلاش کر رہا ہے جو باہمی مفادات کو پورا کرے۔