امریکہ نے کہا ہے کہ وہ ملک میں امن اور خوشحالی کے فروغ کے لیے حکومت پاکستان کے ساتھ مل کر کام کرنے کا منتظر ہے۔
یہ بات امریکی محکمہ خارجہ کے ترجمان نیڈ پرائس نے واشنگٹن میں اپنی باقاعدہ نیوز بریفنگ کے دوران کہی۔
انہوں نے کہا کہ ہم نے وزیر اعظم شہباز شریف کو ان کے انتخاب پر مبارکباد دی ہے اور ہم ان کے اور ان کی حکومت کے ساتھ کام کرنے کے منتظر ہیں۔
ایک سوال کے جواب میں انہوں نے کہا کہ ہم آئینی اور جمہوری اصولوں کی پرامن برقراری کی حمایت کرتے ہیں۔
ایک اور سوال کے جواب میں نیڈ پرائس نے کہا کہ وہ پاک فوج کے ترجمان کے بیان سے متفق ہیں۔