الیکشن کمیشن سے بھی مخصوص نشستیں معطل کر نے کا نوٹیفکیشن جاری

سپریم کورٹ نے حکومتی اتحاد کو قومی اور صوبائی اسمبلیوں کی اضافی مخصوص نشستیں معطل کرنے کا حکم دیا تھا جس پر پہلے پنجاب اسمبلی کے سپیکر اور اب الیکشن کمیشن نے حکم نامہ جاری کردیا -الیکشن کمیشن نے اسمبلیوں کی اضافی مخصوص نشستیں معطل کردیں،جس کا نوٹیفکیشن جاری کردیاگیا۔

خیبرپختونخوا سے قومی اسمبلی کی 8خواتین ارکان معطل کر دی گئیں،پنجاب میں قومی اسمبلی کی 11خواتین ارکان جبکہ 3اقلیتی نشستوں کے ارکان بھی معطل کر دیئے گئے،پنجاب اسمبلی سے مخصوص نشستوں پر 24خواتین ارکان معطل ہوئیں،خیبرپختونخوااسمبلی سے 21مخصوص خواتین ارکان معطل کیا گیاہے، خیبرپختونخوااسمبلی سے اقلیتوں کے 4ارکان معطل کر دیا گیا۔سندھ اسمبلی سے 2خواتین اور ایک اقلیتی رکن معطل ہوا۔

یاد رہے کہ سنی اتحاد کونسل نے مخصوص نشستیں دیگر جماعتوں کو دینے کا فیصلہ چیلنج کیا تھا،سپریم کورٹ نے اضافی مخصوص نشستوں پر کنیت معطل کرنے کا حکم دیا۔اب لارجر بینچ یہ فیصلہ کرے گا کہ یہ اضافی مخصوص مشستیں کس کس جماعت کو اور کتنی کتنی دی جائیں گی –