تحریک انصاف کے سابق جنرل سیکریٹری جنھوں نے9 مئی کے واقعات کے بعد تحریک انصاف سے دوری اختیار کرلی تھی اب ایک بار پھر تحریک انصاف کی حمایت میں کھل کر بات کرنا شروع ہوگئے ہیں اور آج تو انھوں نے نواز شریف کی مقبولیت کے حوالے سے حیران کن بیان جاری کردیا –
اسد عمر نے وزیراطلاعات مریم اورنگزیب کی تقریرکے جواب میں مسلم لیگ (ن) کو چیلنج دے دیدیا ۔پریس کانفرنس کے دوران وفاقی وزیر اطلاعات مریم اورنگزیب نے کہا تھا ہے کہ عوام نواز شریف کے ساتھ ان کے نظر یہ کی وجہ سے کھڑی ہے، پاکستان کا ووٹر جانتا ہے کہ نواز شریف ہی ملک کو مشکل سے نکال سکتا ہے، چیئرمین پی ٹی آئی نے ملک اور عوام کے ساتھ دشمنی کی، ملک کے خلاف سازش کرنے والے آج منہ دکھانے کے قابل نہیں، چار سالوں کے دوران قومی اداروں کو نیلام کرنے کی باتیں کی جاتی رہیں جبکہ ہم نے 15 ماہ میں اداروں کو نیلام نہیں دوبارہ کھڑا کیا۔
مریم اورنگزیب کے بیان پر رد عمل میں اسد عمر نے (ن) لیگ کو چیلنج کرتے ہوئے کہا کہ مسلم لیگ (ن) کے قائد اور سابق وزیراعظم نوازشریف کو آئندہ الیکشن میں اسلام آباد کے کسی بھی حلقے سے تحریک انصاف کے خلاف الیکشن لڑوا لیں، پتا چل جائےگا کہ اسلام آباد والے کیا سمجھتے ہیں۔ اب دیکھنا یہ ہے کہ مریم اورنگزیب اسد عمر کے اس چیلیج کا کیا جواب دیتی ہیں –