آج سپریم کورٹ مین پی ٹی آئی کے تمام ارکان قومی اسمبلی کے اجتماعی استعفوں کی قبولیت کے حوالے سے سماعت ہوئی جس پر عدالت عظمیٰ نے عمران خان اور ان کے 123 ساتھیوں کو ایوان نہ چھوڑنے کا مشورہ دے دیا اطہر من اللہ کا کہنا تھا کہ خان صاحب اس فیصلے کے بارے میں ٹھنڈے دل سے غور کریں – چیف جسٹس پاکستان عمر عطا بندیال نے ریمارکس دیتے ہوئے کہا ہے کہ عوام نے آپ کو 5 سال کے لیے منتخب کیا ہے، پی ٹی آئی پارلیمنٹ میں اپنا کردار ادا کرے، پارلیمان میں کردار ادا کرنا ہی اصل فریضہ ہے۔جسٹس عمر عطا بندیال نے کہا کہ کروڑوں لوگ اس وقت سیلاب سے بے گھر ہو چکے ہیں، سیلاب متاثرین کے پاس پینے کو پانی ہے نہ کھانے کو روٹی، بیرون ملک سے لوگ متاثرین کی مدد کے لیے آرہے ہیں۔
چیف جسٹس پاکستان نے اپنے ریمارکس میں مزید کہا کہ ملک کی معاشی حالت بھی دیکھیں، پی ٹی آئی کو اندازہ ہے کہ 123 نشستوں پر ضمنی انتخابات کے کیا اخراجات ہوں گے؟ جسٹس اطہر من اللہ نے عمران خان کو دبے لفظوں میں استعفوں والی آپشن کی طرف نہ جانے کا مشورہ بھی دیا – ان کا کہنا تھا کے سپیکر کے کام میں اس قسم کی مداخلت عدالت کے لیے کافی مشکل کام ہے۔سپریم کورٹ نے پاکستان تحریک انصاف کو ایک بار پھر قومی اسمبلی میں واپسی کا مشورہ دیتے ہوئے سماعت غیر معینہ مدت کے لیے ملتوی کر دی۔