پاکستان میں 2022 میں جو سب سے تکلیف دہ خبر پاکستانیوں نے سنی تھی وہ بے گناہ ارشد شریف کا خون تھا جو پاکستانیوں کے لیے لڑتے ہوئے مافیا کے ہاتھوں شہید ہوگئے تھے -اس پر پوری قوم جاننا چاہتی تھی کہ اس معصوم کو کس نے مارا -اب ایک امید کی کرن پیدا ہوئی ہے کہ شائید ارشد شریف کے قاتل مل جائیں –
سپریم کورٹ آف پاکستان نے ارشد شریف قتل ازخود نوٹس میں جوڈیشل کمیشن بنانے کا عندیہ دے دیا۔ ارشد شریف قتل سے متعلق از خود نوٹس کیس کی گزشتہ سماعت کا تحریری حکم نامہ سپریم کورٹ نے جاری کردیا، جس میں کہا گیا ہے کہ اگر تحقیقات پر عدالت کو مطمئن نہ کیا گیا تو جوڈیشل کمیشن تشکیل دیا جائے گا۔سپریم کورٹ کے حکم نامے میں کہا گیا ہے کہ ارشد شریف کی فیملی کے وکیل شوکت عزیز صدیقی نے عدالتی کارروائی پر اعتراض اٹھایا۔ شوکت صدیقی کے مطابق سپریم کورٹ جے آئی ٹی کی تحقیقات کی نگرانی نہیں کر سکتی، صرف بنیادی حقوق سے متعلق معاملات کی نگرانی اور تحقیقات کروا سکتی ہے۔
حکم نامے میں تحریر ہے کہ ایڈیشنل اٹارنی جنرل نے کینیا اور یو اے ای سے باہمی قانونی تعاون معاونت سے آگاہ کیا، ان کے مطابق کینین حکام نے ابھی تک باہمی قانونی معاونت کا جواب نہیں دیا، اس لیے جے آئی ٹی کو بیرون مماملک سے تحقیقات کیلئے مذید 3 ہفتے کا وقت دیا جائے ۔سپریم کورٹ نے کہا کہ اہم بنیادی حقوق کا معاملہ ہونے کے باعث عدالت تحقیقات کیلئے جوڈیشل کمیشن بنا سکتی ہے،ارشد شریف قتل کا معاملہ ایک بڑے صحافی کے قتل کے علاوہ بنیادی حقوق کا معاملہ ہے، ارشد شریف کے قتل کی تحقیقات کیلئے دنیا بھر میں بسنے والے پاکستانیوں کی طرف سے 5 ہزار سے زائد خطوط سپریم کورٹ کو لکھے گئے جس میں عمران خان کا خط بھی شامل ہے ، سپریم کورٹ ارشد شریف قتل کی صاف اور شفاف تحقیقات کرانا چاہتی ہے،کیس کی مزید سماعت اپریل کے مہینے میں ہوگی۔