آزاد کشمیر کے سابق وزیر اعظم سردار تنویر الیاس کو گرفتار کرلیا گیا ہے۔ تفصیلات کے مطابق سردار تنویر الیاس کو تھانہ مارگلہ میں درج مقدمے میں گرفتار کیا گیا ہے، سابق وزیراعظم کو ان کی رہائشگاہ سے گرفتار کیا گیا ہے، سردار تنویر الیاس پر ایک نجی کمپنی کے دفتر پر حملہ کرنے اور نجی مال میں توڑ پھوڑ کرنے کا الزام ہے۔
وفاقی پولیس نے سابق وزیراعظم آزادکشمیر کی گرفتاری کی تصدیق کردی ہے۔انہوں نے بتایا کہ سابق وزیر اعظم آزاد کشمیر تنویر الیاس کو خاندانی جائیداد پر مبینہ قبضہ اور فائرنگ کے کیس میں گرفتار کر لیا گیا ہے۔سردار الیاس تنویر کی منتقلی کے بعد تھانہ مارگلہ کا دروازہ بند کردیا گیا اور کسی کو تھانے میں جانے کی اجازت نہیں دی جا رہی ہے جبکہ ان کے وکلا اور کارکنان تھانے کے باہر موجود ہیں، دوسری جانب تنویر الیاس کے گھر کے باہر بھی پارٹی کے کارکنان جمع ہونا شروع ہوگئے ہیں۔سردار تنویر کو پی ٹی ائی نے وزیراعظم کا عہدہ دیا تھا مگر پھر انھوں نے بھی کپتان کے ساتھ بے وفائی کی پارٹی چھوڑی اور پریس کانفرنس کرکے خان پر تنقید کی مگر وہ جن کے ساتھ کھڑے ہوئے تھے انھوں نے تنویر الیاس کو چھوڑ دیا اور ان کے اپنے رشتے دار ان کو گرفتار کرواکر تھانے لے گئے –
