آجکل پاکستان کی قومی کرکٹ ٹیم کاکول میں ٹریننگ میں مصروف ہے جس کی کئی ویڈیوز بھی وائرل ہوئی ہیں جن میں کھلاڑیوں کو فوجیوں کی طرح ٹریننگ کرتے دیکھا جاسکتا ہے -اب ان کھلاڑیوں کو ان کی محنت کا انعام ملنے والا ہے – آرمی چیف جنرل عاصم منیر کی جانب سے کاکول کیمپ میں شرکت کرنے والے پاکستانی کرکٹ ٹیم کے کھلاڑیوں کو افطار پر مدعو کیا گیا ہے۔
نجی ٹی وی جیو نیوز نے ذرائع کے حوالے سے بتایا ہے کہ کاکول کیمپ میں پاکستانی کھلاڑیوں کا 7 اپریل کو آخری روز ہوگا۔7 اپریل کی دوپہر کھلاڑی ایبٹ آباد سے راولپنڈی روانہ ہوں گے جہاں وہ آرمی چیف جنرل عاصم منیر کے ساتھ افطار کریں گے جبکہ 7 اپریل کی رات ہی کھلاڑی اپنے اپنے گھروں کو روانہ ہوں گے۔