آج رات سے ملک بھر میں منگل تک تیز موسلادھار بارش کا امکان ہے

ملک کے بیشتر علاقوں میں آج رات سے منگل تک تیز موسلا دھار بارش کا امکان ظاہر کردیا گیا ۔ لاہور میں بھی صبح سے شروع ہونے والی بارش نے موسم ٹھنڈا کردیا -محکمہ موسمیات نے واننگ جاری کی ہے کہ طوفانی بارشوں کے باعث مری،گلیات کشمیر، گلگت بلتستان ، چترال، دیر، سوات، کوہستان، شانگلہ، بونیر، مانسہرہ اور ایبٹ آباد میں لینڈ سلائیڈنگ ہوسکتی ہے ۔
اس کےعلاوہ 2 دنوں میں خیبر پختونخوا، اسلام آباد، پنجاب، بالائی سندھ، شمال مشرقی بلوچستان ، گلگت بلتستان اور کشمیر میں آندھی اور گرج چمک کے ساتھ کہیں ہلکی اور کہیں موسلادھار بارش کا امکان ہے۔ ساتھ ساتھ چند پہاڑوں پر برف باری اورمیدانی علاقوں میں بعض مقامات پر ژالہ باری بھی متوقع ہے ۔محکمہ موسمیات کی رپورٹ کے آج رات سے منگل تک تیز موسلادھار بارش کا امکان ہے،اس دوران بیشترپہاڑی علاقوں میں لینڈ سلائیڈنگ کے خطرات بھی موجود ہیں ۔یہ بارشوں کا سلسلہ 21 اکتوبر تک جاری رہے گا جس کے بعد اکتوبر میں ہی موسم سردی کی جانب بڑھ جائے گا –